Kush e shtyu Memën drejt dorëheqjes? Pas humbjes, zbulohet vendimi drastik

Ardian Mema nuk do të vazhdojë më në krye të skuadrës së Pogradecit. Trajneri nga Tirana ka dhënë dorëheqjen menjëherë pas humbjes së djeshme ndaj Luftëtarit, duke mbyllur kështu një periudhë të shkurtër në pankinën pogradecare.

Humbja e radhës ka qenë pika që ka çuar Memën drejt vendimit për t’u tërhequr nga drejtimi i skuadrës, e cila po kalon një moment të vështirë në kampionat. Ende nuk ka një reagim zyrtar nga klubi i Pogradecit për dorëheqjen, ndërsa pritet që në ditët në vijim të mësohet edhe emri i trajnerit të ri që do ta pasojë.

Mema, një emër i njohur në futbollin shqiptar si ish-lojtar dhe trajner i disa skuadrave, nuk arriti të sjellë kthesën e pritur te Pogradeci, duke u larguar në një moment kritik për ekipin.

“KORÇA BOOM”