Kushte atmosferike të qëndrueshme, si parashikohet moti për sot

Vendi ynë do të vijojë të ndikohet këtë të shtunë nga kushte atmosferike të qëndrueshme. Moti parashikohet i kthjellët në të gjithë territorin, me orë të plota me diell.

Gjatë ditës së sotme, 5 shtator, nuk parashikohen ndryshime të ndjeshme të kushteve atmosferike, ndërsa kthjellimet do të jenë mbizotëruese në të gjithë vendin.

Vlerat maksimale pritet të arrijnë deri në 37°C, veçanërisht në qytete si Shkodra, Elbasani, Berati, Fieri dhe Gjirokastra.

Era do të fryjë nga verilindja dhe veriperëndimi, me një shpejtësi mesatare rreth 4 metra për sekondë.

Përgjatë vijës bregdetare dhe në zonat luginore, era pritet të fitojë intensitet, duke arritur shpejtësi deri në 8 metra për sekondë.

Në det parashikohet valëzim i ulët, i forcës 1 deri në 2 ballë.

“KORÇA BOOM”