LAJMI I FUNDIT/ Përfundon seti i tretë në finalen Pogradeci-Tirana. Zgjohen liqenoret!

Pogradeci-Tirana 1-2

(20-25, 19-25, 25-23,

Seti i parë filloi mirë për kryeqytetaset të cilat kanë krysuar në start 0-2. Më pas 1-3 po për Tiranën dhe është Pogradeci që nuk lejon kryeqytetaset të shkëputen, duke barazuar për herë të patë sifrat në momentin që tabela shënon 6-6. Madje për herë të parë liqenoret kryesojnë 7-6. Sërish është Tirana që kalon në avantazh dhe shënon 4 pikë radhazi duke çuar shifrat në 7-10 dhe këtu pogradecaret kryejnë ndërrime në parket. Shifrat ngushtohen më tej në 9-10, por sërish Tirana përpiqet të ruajë një diferencë të ngushtë 10-12. Pas këtij momenti liqenoret hutohen dhe tolerojnë deri sa tabela shënon 10-15, pra 5 pikë diferencë në parket. 11-17 rezultati dhe Tirana ka arritur të krijojë një diferencë të konsiderueshme për të mbyllur sa më parë këtë set. Më tej shifrat janë, 12-19, 15-19 dhe në këtë moment Tirana detyrohet të marrë pushim. Pas pushimit dy pikë për Tiranën, 15-21. Më tej 18-23 dhe përfundimisht 20-25 duke bërë që Tirana të fitojë setin e parë të takimit në një set që zgjati plot 30 minuta.

Seti i dytë i ndeshjes fillon sërish mirë për Tiranën që menjëherë merr kryesimin në shifrat 3-5, me një Pogradec që nuk del në lojën e vet, teksa humbja në setin e parë e ka hutuar dhe gabon shumë. Madje më tej Tirana krijon diferencë të thellë duke shënuar rezultatin në 3-9, diferencë e madhe në kaq pak pikë. 5-12 më tej, duke bërë që Tirana të jetë e qetë dhe të mendojë që të shkojë sa më shpejt drejt fitores edhe të këtij seti. Pogradeci ngushton diferencën në 8-13, por e ka të vështirë të afrohet më shumë. 11-16, 15-20, 16-23 dhe përfundimit 19-25, duke fituar edhe setin e dytë, pra gjendja e seteve 0-2 për Tiranën. Seti i dytë u luajt në 30 minuta, aq sa zgjati edhe seti i parë.

Seti i tretë i ndeshjes ndryshe nga dy të parat fillon më së fundi me avantazhin e Pogradecit 4-1. Më pas sërish kryesim për liqenoret 7-3, që janë vërtet më ndryshe se dy setet e para që i humbën. Gjithsesi është radha e Tiranës të zgjohet dhe ngushton rezultatin në 9-8. Këto shifrat të ngushta janë dhe më tej kur tabela elektronike shënon 13-12, po për Pogradecin që kryeson vazhdimisht deri në këtë moment dhe për herë të parë rezultati barazohet 13-13. Sërish barazim në pikët 18-18, duke treguar se ky set ka rivalitet të madh në parket. 20-20, 23-23 dhe në fund 25-23 për Pogradecin që hap ndeshjen, pasi gjendja e seteve shkon në 1-2 për Tiranën. Seti i tretë zgjati 31 minuta.

“KORÇA BOOM”