Lajmi i fundit /Lirohet nga burgu ish-deputeti i Korçës, Ervin Salianji

Tiranë, 8 Korrik 2025 – Ish-deputeti i Partisë Demokratike, Ervin Salianji, është liruar sot nga burgu me kusht, pasi ka përmbushur 2/3 e dënimit prej një viti që iu dha nga drejtësia shqiptare.

Vendimi për lirimin me kusht është marrë nga Gjykata e Tiranës, e cila pranoi kërkesën e mbrojtjes për përfitimin e kësaj mase, duke vlerësuar sjelljen e tij gjatë vuajtjes së dënimit dhe mungesën e rrezikut për përsëritje të veprës penale.

Salianji u dënua me një vit burg për akuzën e "kallëzimit të rremë", në lidhje me çështjen e njohur si "Babale", që shkaktoi jehonë të madhe në opinionin publik dhe politik vite më parë. Ai filloi vuajtjen e dënimit në fund të vitit 2024, pas epuizimit të të gjitha shkallëve të gjyqësorit.

Pas lirimit, nuk ka ende një reagim zyrtar nga vetë Salianji, por përfaqësues të Partisë Demokratike e kanë përshëndetur vendimin, duke e cilësuar si një hap drejt "kthimit të drejtësisë për një rast të montuar politikisht".

Ndërkohë, zërat kritikë nga kampi kundërshtar politik vazhdojnë të mbrojnë vendimin e gjykatës si të bazuar në prova dhe procedura të rregullta ligjore.

“KORÇA BOOM”