“Lamtumirë nëna ime” – reagimi prekës i Pirro Çakos për ndarjen nga jeta të sopranos Luiza Çako

Sopranoja e njohur shqiptare, Luiza Papa Çako, është ndarë nga jeta në moshën 88-vjeçare, duke lënë pas një trashëgimi të çmuar në muzikën klasike shqiptare.

Lajmi është konfirmuar nga djali i saj, kantautori i njohur Pirro Çako, i cili ka ndarë një reagim të shkurtër dhe prekës në rrjetet sociale. Ai ka publikuar një fotografi të vjetër nga fëmijëria, ku shihet në krahët e nënës, dhe ka shkruar: “Lamtumirë, nëna ime”.

Luiza Çako ka qenë një prej zërave më të veçantë të skenës shqiptare, me një karrierë të gjatë në muzikën klasike, operistikë dhe koncertale. Ajo është vlerësuar për interpretimet e saj të ndjeshme dhe të fuqishme, si dhe për kontributin e saj në edukimin dhe formimin artistik të brezave të rinj.

Ndër vite, Çako ka interpretuar në shumë skena të rëndësishme brenda dhe jashtë vendit, duke lënë një gjurmë të pashlyeshme në historinë e artit shqiptar.

“KORÇA BOOM”