Maliqi bie në transfertë ndaj Bylis B, vendasit godasin dy herë
- Mar 8
- 1 min read
Maliqi ka pësuar një humbje në transfertë ndaj ekipit të Bylis B, në një ndeshje ku maliqarët dhanë më të mirën në fushë, por nuk arritën të shmangnin disfatën.
Vendasit kaluan në avantazh në minutën e 23-të, kur Baruti arriti të shënojë golin e parë të takimit. Me këtë rezultat u mbyll edhe pjesa e parë.
Në pjesën e dytë, skuadra e Maliqit u shfaq më sulmuese dhe kërkoi me insistim golin e barazimit, por u përball me një mbrojtje të kujdesshme të vendasve. Në minutën e 58-të, pas një kundërsulmi të shpejtë dhe të saktë, Akibu realizoi golin e dytë për Bylis B, duke vulosur praktikisht rezultatin e ndeshjes.
Pavarësisht humbjes, Maliqi vazhdon të mbetet në vendin e pestë në renditje, një pozicion që e mban edhe pas kësaj jave kampionati.
"KORCA BOOM"
