Masat anti-dhunë: Ndalime, gjoba dhe konfiskime përpara ndeshjes

Policia italiane në Udine ka ndaluar pesë tifozë të ekipit francez Paris Saint-Germain, të cilët u kapën me sende të dyshuara të rrezikshme në automjetin e tyre, ndërsa po përpiqeshin të shkonin drejt stadiumit për të ndjekur një ndeshje të rëndësishme.

Gjatë një kontrolli rutinë në pikën e pagesës në autostradë, forcat e rendit ndaluan makinën me targa franceze, brenda së cilës u gjetën një shufër hekuri, një palë topa çeliku, fishekzjarre dhe një kanaçe me bojë të zezë spraj. Të pesë personat u ndaluan dhe u akuzuan në gjendje të lirë. Policia nuk i lejoi ata të hynin në stadium dhe të ndiqnin ndeshjen.

Ky incident ndodhi si pjesë e masave të rrepta të sigurisë të marra nga autoritetet italiane për të parandaluar trazirat gjatë ndeshjes. Në total, mbi 1,500 forca sigurie – përfshirë policinë, karabinierët, Guardia di Finanza dhe policinë lokale – ishin të pranishme në terren nga data 12 deri më 14 gusht, me rreth 1,000 efektivë të angazhuar vetëm një ditë para ndeshjes.

Gjatë kontrolleve shtesë, policia lokale sekuestroi mbi 500 shishe birre dhe gjobiti shtatë shtetas italianë me nga mbi 2,500 euro secili për tregti të paligjshme. Megjithatë, pavarësisht fluksit të madh të tifozëve dhe një stadiumi të mbushur plot, dita e ndeshjes përfundoi pa incidente të tjera.

“KORÇA BOOM”