Me kontrabandë drejt kufirit: Mallrat pa fatura 'tradhëtojnë' 63-vjeçarin

Në Pikën e Kontrollit Kufitar Goricë, gjatë një kontrolli rutinë të ushtruar në automjetin që drejtohej nga shtetasi T. A., 63 vjeç, banues në fshatin Zaroshkë, shërbimet e policisë gjetën dhe sekuestruan disa produkte ushqimore dhe medikamente, të cilat nuk ishin të pajisura me fatura blerjeje.

Në përfundim të veprimeve procedurale, ndaj shtetasit T. A. u nis procedimi në gjendje të lirë për veprat penale "Kontrabanda me mallra të tjera" dhe "Tregtimi dhe transportimi i mallrave që janë kontrabandë".

Mallrat e konstatuara u sekuestruan në cilësinë e provës materiale.

“KORÇA BOOM”