Merkatoja vazhdon, Ahmataj konfirmon lëvizjet e radhës te Skënderbeu

Skënderbeu vijon përgatitjet intensive në fushën stërvitore, ndërsa paralelisht drejtuesit e klubit po punojnë edhe për përforcimin e skuadrës në merkaton e verës.

Trajneri Julian Ahmataj është përqendruar maksimalisht te puna me grupin, por ka konfirmuar se lëvizjet në merkato nuk kanë përfunduar ende. Sipas teknikut korçar, priten edhe dy ose tre afrime të tjera, me synimin për të rritur konkurrencën dhe cilësinë në ekip.

Megjithatë, Ahmataj u shpreh se grupi aktual është pothuajse i kompletuar dhe se baza e skuadrës është ndërtuar. Afrimet e fundit do të jenë të mirëstudiuara dhe do të shërbejnë për të plotësuar pozicionet ku stafi teknik e sheh të nevojshme.

Skënderbeu synon të jetë gati për nisjen e sezonit të ri, ndërsa drejtuesit dhe stafi teknik vijojnë punën në të gjitha drejtimet për të ndërtuar një ekip sa më konkurrues.

“KORÇA BOOM”