Ndeshje me pesë gola në Fier, Skënderbeu ruan fronin e Kategorisë së Parë

Apolonia 2–3 Skënderbeu

Shënues: 15′ (p) Trifoni, 25′ Topi / 20′, 56′ Nasr, 22′ Musa

Skënderbeu ka marrë një fitore të rëndësishme në transfertë ndaj Apolonisë, duke triumfuar me rezultatin 3–2 në një ndeshje plot emocione dhe përmbysje.

Të parët që kaluan në avantazh ishin fierakët, me Trifonin që realizoi nga pika e bardhë në minutën e 15-të. Reagimi i korçarëve ishte i menjëhershëm: Egjiptiani Nasr barazoi shifrat në minutën e 20-të, ndërsa vetëm dy minuta më pas Musa përmbysi rezultatin në favor të Skënderbeut.

Apolonia nuk u dorëzua dhe riktheu baraspeshën me golin e Topit në minutën e 25-të, duke mbyllur pjesën e parë në shifrat 2–2.

Në pjesën e dytë, ishte sërish Nasr ai që u bë protagonist, duke realizuar golin e dytë personal dhe të tretin për Skënderbeun në minutën e 56-të, që rezultoi vendimtar për fitoren.

Pas kësaj ndeshjeje, skuadra e drejtuar nga trajneri Ernest Gjoka vazhdon të udhëheqë Kategorinë e Parë me 28 pikë, 7 më shumë se Laçi i vendit të dytë, duke konfirmuar formën e shkëlqyer të korçarëve në këtë sezon.

Java 11   

(TË PREMTE) 07.11.2025

Burreli-Pogradeci 2-0

(DJE) 08.11.2025                                     

Besa – Laçi 0-0

Kastrioti – AF Luftëtari 3-1

Korabi – Kukësi 1-0

Lushnja – Iliria 1-0

(SOT) 09.11.2025

Apolonia – Skënderbeu 2-3

"KORCA BOOM"