Ndryshime në Polici, lëvizje drejtuesish në disa qarqe

Ndryshime në strukturat drejtuese të Policisë së Shtetit. Me urdhër të Drejtorit të Përgjithshëm të Policisë së Shtetit, janë vendosur disa lëvizje dhe emërime të reja në drejtimin e strukturave vendore dhe komisariateve.

Dritan Lena, i cili deri tani mbante detyrën e Shefit të Sektorit të Planifikimit Operacional në Drejtorinë e Forcës Kombëtare të Sigurisë, transferohet dhe emërohet Drejtor i Drejtorisë Vendore të Policisë Berat.

Ndryshime ka edhe në drejtimin e disa komisariateve. Kryekomisari Saimir Shkambaj, deri tani Shef i Komisariatit të Policisë Tropojë, transferohet dhe emërohet në detyrën e Shefit të Komisariatit të Policisë Sarandë.

Ndërkohë, Komisari Feliks Hoda, i cili drejtonte Komisariatin e Policisë Sarandë, transferohet dhe emërohet Shef i Komisariatit të Policisë Dibër.

Në Tropojë, detyra e Shefit të Komisariatit të Policisë do të mbulohet me komandim nga Komisar Andi Kano, aktualisht Shef i Hetimit të Krimeve në Komisariatin e Policisë Tropojë.

Lëvizjet janë bërë me urdhër të Drejtorit të Përgjithshëm të Policisë së Shtetit.

“KORÇA BOOM”