Nga Superliga në Kategorinë e Parë, të gjithë luftojnë për kualifikimin

Jemi zyrtarisht në vitin 2026 dhe një vit i ri nis me pritshmëri të larta për futbollin shqiptar. Megjithatë, pushimet dimërore do të jenë të shkurtra për skuadrat e Superiores dhe disa prej Kategorisë së Parë, pasi aktiviteti rikthehet shumë shpejt.

Federata ka planifikuar që më 10 janar të zhvillohen ndeshjet e fazës 1/8 të Kupës së Shqipërisë, një turne që tradicionalisht sjell surpriza dhe përballje delikate. Në total, 16 ekipe do të zbresin në fushë me objektivin për të siguruar kualifikimin dhe për të vazhduar rrugëtimin drejt trofeut.

Do të luhen 8 sfida, të ndara në dy orare të ndryshme. Tre prej tyre do të startojnë në orën 13:00, ndërsa katër takime të tjera janë planifikuar për orën 16:00. Ora e ndeshjes mes Dinamo City dhe Besës mbetet ende për t’u përcaktuar.

Vëmendja pritet të jetë e lartë, veçanërisht te përballjet mes ekipeve të Superiores, por edhe skuadrat e Kategorisë së Parë synojnë të shfrytëzojnë çdo mundësi për të surprizuar dhe për të lënë gjurmë në këtë kompeticion.

Kupa e Shqipërisë, faza 1/8,

10 janar 2026

Tirana – Skënderbeu 13:00

Partizani – Burreli 13:00

Bylis – Laçi 13:00

Teuta – Vora 16:00

Vllaznia – Pogradeci 16:00

Egnatia – Apolonia 16:00

Elbasani – Flamurtari 16:00

Dinamo City – Besa për t’u përcaktuar

"KORCA BOOM"