Nga telefonatat te mashtrimet online, operacion kundër call center-ave

Një operacion i zhvilluar nga strukturat e Krimit Ekonomik në bashkëpunim me Prokuroria e Tiranës ka çuar në zbulimin e dy ambienteve që dyshohet se përdoreshin për aktivitete të paligjshme të call center-ave në kryeqytet.

Sipas burimeve zyrtare, një nga ambientet e identifikuara ndodhej në zonën e Rrugës së Kavajës, ndërsa tjetri pranë Liqenit të Thatë. Të dyja dyshohet se shërbenin si baza për mashtrime përmes telefonatave dhe platformave online.

Gjatë ndërhyrjes, autoritetet ushtruan kontrolle të imtësishme, duke sekuestruar pajisje elektronike, përfshirë kompjuterë, telefona dhe materiale të tjera që pritet të ndihmojnë në zbardhjen e plotë të aktivitetit.

Hetimet paraprake sugjerojnë se këto call center operonin duke mashtruar shtetas të huaj përmes skemave të ndryshme financiare, duke përdorur metoda të organizuara dhe teknika manipulimi për të përfituar shuma parash.

Ky aksion vjen në kuadër të përpjekjeve të vazhdueshme të autoriteteve për të luftuar fenomenin e call center-ave të paligjshëm, i cili ka njohur përhapje vitet e fundit dhe konsiderohet me rrezik të lartë për dëmin ekonomik dhe imazhin e vendit.

Ndërkohë, hetimet vijojnë për identifikimin dhe vënien para përgjegjësisë të personave të përfshirë në këtë aktivitet të dyshuar kriminal.

“KORÇA BOOM”