Ngjarje e rëndë, i riu humb jetën gjatë punës në makinën e tij

Një ngjarje tragjike ka ndodhur ditën e sotme në qytetin e Librazhdit, ku një 23-vjeçar humbi jetën gjatë punës në një servis automjetesh.

Sipas raportimeve zyrtare të Policisë, i riu, i identifikuar me inicialet L. D., ishte duke riparuar makinën e tij në servis kur u dëmtua aksidentalisht. Pavarësisht se u transportua menjëherë për mjekim në spital, fatkeqësisht nuk arriti të mbijetojë.

“Në Spitalin e Librazhdit është dërguar për mjekim shtetasi L. D., 23 vjeç, i cili dyshohet se është dëmtuar aksidentalisht gjatë kohës që po riparonte mjetin e tij në servisin e shtetasit I. P. Si pasojë e dëmtimeve të marra, 23-vjeçari ka humbur jetën”, thuhet në njoftimin e Policisë.

Grupi hetimor ka nisur punën për të zbardhur rrethanat e ngjarjes dhe për dokumentimin ligjor të rastit. Autoritetet nënvizojnë se hetimi do të vazhdojë derisa të sqarohet shkaku i saktë i aksidentit dhe të merren masat e nevojshme për sigurinë e mëtejshme në serviset e automjeteve.

Ngjarja ka tronditur qytetin e Librazhdit, duke lënë familjen dhe komunitetin në një gjendje dhimbjeje të thellë.

"KORCA BOOM"