Nis sezoni i ri për basketbollin e meshkujve, Skënderbeu pret Apoloninë në Korçë

Sezoni i ri i kampionatit kombëtar të basketbollit për meshkuj starton këtë fundjavë, dhe djemtë e Skënderbeut janë gati për të hyrë në fushë me objektiva të qarta për një paraqitje sa më dinjitoze.

Skuadra korçare, e drejtuar nga trajneri Bruno Topi, do të luajë ndeshjen e parë në shtëpi, në pallatin e sportit në Korçë, përballë ekipit të Apolonisë. Takimi do të zhvillohet ditën e diel, në orën 12:00, dhe pritet me interes nga sportdashësit korçarë.

Pritshmëritë për këtë sezon janë të larta, ndërsa ekipi është përforcuar dhe synon të ketë një paraqitje më të fortë se në edicionin e kaluar. Klubi ka theksuar rëndësinë e mbështetjes së tifozëve në ndeshjet në shtëpi, ndaj thirrja për korçarët është e qartë: të jenë të pranishëm në pallatin e sportit dhe të mbështesin skuadrën që në nisje të sezonit.

Basketbolli është një ndër sportet që ka traditë në qytetin e Korçës, dhe kjo ndeshje e parë është një mundësi e mirë për të rikthyer atmosferën pozitive rreth ekipit dhe për të dhënë sinjalet e para të ambicieve për këtë vit.

“KORÇA BOOM”