Partizani dhe Tirana prekin fundin, Bylis i jep leksion futbolli të kuqve; Dinamo del nga kriza

Kanë përfunduar dy ndeshjet e para për javën e pestë të Abissnet Superiore. Në “Adush Muça”, Bylisi fitoi 3-1 ndaj Partizanit. Të kuqtë kaluan të parët në avantazh me Isgandarli, i cili u tregua i saktë nga pika e bardhë e penalltisë, e fituar pas prekjes së topit me dorë brenda zonës nga mesfushori i Bylisit, Malomo.

Në fund të pjesës së parë, Malomo korrigjoi gabimin ku shkaktoi penallti dhe barazon shifrat në 1-1, duke mposhtur Alban Hoxhën. Mesfushori nigerian u bë protagonist në pjesën e dytë, duke gjetur rrjetën edhe dy herë të tjera golin, përkatësisht në minutat 54 dhe 72. Bylis fiton përfundimisht 3-1.

Në “Selman Stermasi”, Tirana është mposhtur 1-2 nga Dinamo, ku “Blutë” e drejtuar nga Ilir Daja fitojnë kështu derbin e parë të kryeqytetit për këtë sezon. Goli i parë i takimit erdhi në minutën e 24Gudiabi shënoi me kokë pas krosimit nga Dejvi Bregu nga goditja e këndit. Në fillimin e pjesës së dytë, Lorenco Vila shënoi me kokë pas asistit të Nani, duke dyfishuar shifrat për “Blutë”.

Tirana reagoi pas pesë minutash, Bruno Dita preku topin me dorë brenda zonës, arbitri Juxhin Xhaja drejtoi gishtin nga pika e bardhë e penalltisë, aty ku Patsatsia u tregua i saktë. Rezultati nuk ndryshoi deri në fund, Dinamo fiton 1-2 dhe ngjitet në vendin e dytë, Tirana zhytet në fund me vetëm 2 pikë pas pesë javësh.

“KORÇA BOOM”