Pas sinjaleve për rikthim të Marko Ramosit, “Korça Boom” zbulon qëndrimin e lojtarit pas komunikimit direkt

Janë shuar të gjitha alibitë mbi të ardhmen e brazilianit Marko Ramos te Skënderbeu. Edhe pse kishte ende një vit kontratë me korçarët, pas përfundimit të sezonit ai është larguar drejt Brazilit dhe nuk është kthyer më në Korçë.

Pavarësisht sinjaleve të herëpashershme se do të bashkohej me skuadrën në përgatitje, Ramos ka konfirmuar për "Korça Boom" se nuk do të udhëtojë drejt Shqipërisë dhe se nuk do të jetë pjesë e ekipit këtë sezon. Lojtari ka refuzuar të japë detaje mbi arsyet e largimit, duke thënë se nuk mund të flasë për momentin.

E sigurtë është që Marko Ramos nuk do të jetë më pjesë e Skënderbeut, duke i dhënë fund kështu aventurës së tij në kampionatin shqiptar.

“KORÇA BOOM”