“Pashë çfarë po ndodhte…”/ Ja çfarë deklaron trajneri Mema pas dorëheqjes

Trajneri i Pogradecit ka dhënë dorëheqjen nga drejtimi i skuadrës pas humbjes së fundit ndaj Luftëtarit. Lajmi është konfirmuar nga vetë 53-vjeçari, i cili në një prononcim për mediat ka sqaruar se vendimi është marrë pas një takimi me presidentin e klubit, ndërsa ndarja është konsideruar miqësore dhe pa tensione.

“Po, jam larguar nga Pogradeci. Kam dhënë dorëheqjen. Pas humbjes me Luftëtarin, u takova me presidentin e klubit dhe i paraqita dorëheqjen. Sot jemi takuar sërish dhe presidenti e ka pranuar. Ishte një ndarje shumë miqësore,” – tha trajneri, pa dhënë detaje të mëtejshme mbi arsyet konkrete që çuan në këtë vendim.

Dorëheqja e trajnerit vjen në një moment kritik për skuadrën, e cila nuk ka arritur të ruajë ritmin në kampionat dhe ndodhet në një periudhë jo të mirë sa i përket rezultateve. Humbja me Luftëtarin ishte e dhimbshme jo vetëm për pozitat në renditje, por edhe për ndikimin që pati në moralin e skuadrës.

Burime pranë klubit bëjnë me dije se drejtuesit janë duke shqyrtuar disa kandidatura për të gjetur pasuesin e tij, ndërkohë që përkohësisht stërvitjet do të drejtohen nga ndihmëstrajneri i ekipit. Nuk përjashtohet mundësia që në ditët në vijim të ketë zhvillime të shpejta dhe një emër i ri të prezantohet në stolin pogradecar.

Ky është një tjetër rast që dëshmon presionin me të cilin përballen trajnerët në futbollin shqiptar, sidomos në kategoritë e para, ku rezultatet shpesh diktojnë fatin e drejtuesve teknikë, pavarësisht kushteve apo kapaciteteve me të cilat punojnë.

“KORÇA BOOM”