Portieri që mbrojti ngjyrat e Skënderbeut, tani në sfidë të re në Kosovë

Portieri Herdis Alliu është afrimi më i fundit i skuadrës së Ferizajt në Superligën e Kosovës. Gardiani 25-vjeçar, me eksperiencë në kampionatin shqiptar, ka vendosur të vazhdojë karrierën në futbollin kosovar, duke nënshkruar me klubin nga Ferizaj.

Alliu vjen nga një sezon me skuadrën e Rilindja 1974, ndërsa më parë ka qenë pjesë e disa klubeve shqiptare, përfshirë edhe Skënderbeun, një ndër emrat e mëdhenj të futbollit shqiptar. Me një fizikun mbresëlënës dhe refleks të fortë, ai pritet të sjellë stabilitet dhe siguri mes shtyllave për skuadrën ferizajase.

Transferimi i tij shihet si një lëvizje e qëlluar nga Ferizaji, që po ndërton një skuadër konkurruese për sezonin e ri, ndërkohë që klubi ka paralajmëruar edhe afrime të tjera në ditët në vijim.

Për vetë Alliun, kjo është një mundësi e re për të treguar vlerat e tij në një kampionat që po fiton gjithnjë e më shumë vëmendje në rajon.

“KORÇA BOOM”