Projekti i rehabilitimit të banesave vijon me 39 ndërhyrje të reja në Maliq

Zbatimi i fazës së re të projektit për rehabilitimin e banesave do të nisë në periudhën korrik-gusht 2025 dhe do të zgjasë për një periudhë dyvjeçare. Ky projekt, i cili është rezultat i bashkëpunimit mes Ministrisë së Ekonomisë, Kulturës dhe Inovacionit dhe Bashkisë Maliq, synon përmirësimin e kushteve të banimit për qytetarët që ndodhen në nevojë.

Në këtë fazë të re, do të rehabilitohen edhe 39 banesa të tjera, duke e çuar në 260 numrin total të ndërhyrjeve të realizuara deri më tani. Projekti përfshin jo vetëm rehabilitimin fizik të ndërtesave, por edhe ndërhyrje në infrastrukturën përreth, për të garantuar kushte më të mira jetese dhe një mjedis të sigurt për banorët.

Ky angazhim është pjesë e një politike të qëndrueshme të strehimit social, që synon të jetë afër njerëzve në nevojë çdo ditë dhe të ofrojë mbështetje për ata që kanë më shumë nevojë për ndihmë. Prioritet mbeten familjet me të ardhura të ulëta, personat me aftësi të kufizuara, të moshuarit dhe kategori të tjera vulnerabël.

Ministria e Ekonomisë, Kulturës dhe Inovacionit në bashkëpunim me autoritetet vendore vazhdon të investojë në projekte që ndikojnë drejtpërdrejt në cilësinë e jetës së qytetarëve dhe që mbështesin zhvillimin social dhe infrastrukturor të zonave më në nevojë.

“KORÇA BOOM”