Protesta e opozitës, gaz lotsjellës edhe ndaj mediave, fotoreporteri dëshmon nga ambulanca

Gjatë protestës së djeshme të opozitës, efektivë të Policisë kanë përdorur gaz lotsjellës kundrejt protestuesve. Nga kjo situatë nuk kanë mbetur të paprekur as gazetarët dhe stafi i mediave që po raportonin nga vendngjarja.

Në lidhje me këtë rast ka dëshmuar edhe fotoreporteri Felix Bilani, i cili si pasojë e ekspozimit ndaj gazit lotsjellës ka përfunduar në Spitalin e Traumës për të marrë ndihmën e specializuar mjekësore.

Në një video të publikuar, Bilani shihet duke qëndruar në ambulancë, në gjendje jo të mirë shëndetësore. Ai shprehet se një nga oficerët e Policisë, nga mjeti i pajisur me top uji, ka lëshuar spraj kundrejt tij, duke theksuar se e gjithë ngjarja është e filmuar.

Ngjarja ka ngritur shqetësime lidhur me sigurinë e gazetarëve gjatë protestave, ndërsa pritet reagimi i institucioneve përkatëse mbi pretendimet e ngritura.

"KORCA BOOM"