Reagon deputetja Romina Kuko pas tragjedisë në Maliq: Dhimbje e thellë për humbjen e nënës dhe djalit

Deputetja e qarkut të Korçës, Romina Kuko, ka reaguar pas ngjarjes së rëndë në Maliq, ku një nënë dhe djali i saj humbën jetën si pasojë e një zjarri që përfshiu banesën e tyre. Në një mesazh prekës, ajo shpreh dhimbjen dhe solidaritetin me familjen e prekur.

“Dhimbje e thellë për ngjarjen e sotme në Maliq, ku një nënë dhe djali i saj humbën jetën mes flakëve, ndërsa vajza e vogël po lufton për të mbijetuar. Një fatkeqësi që prek çdo zemër, një plagë që rëndon mbi gjithë komunitetin tonë,” shkruan Kuko.

Ajo i shpreh ngushëllimet e saj më të sinqerta familjes, ndërsa i uron forcë vajzës së vogël që ndodhet në gjendje të rëndë shëndetësore.

“Ngushëllime të sinqerta familjes për këtë humbje të parikuperueshme. U prehshin në paqe nëna dhe djali, e lutemi me gjithë forcën e shpirtit që vajza e vogël të dalë fitimtare nga kjo betejë për jetën,” përfundon reagimi i saj.

“KORÇA BOOM”