Salmonela – Sëmundja që po prek fëmijët: Çfarë është?

Gjatë muajve të fundit, është vënë re një shtim i rasteve me salmonelë tek fëmijët. Por çfarë është salmonela dhe pse është aq e rrezikshme?

Salmonela është një bakter që shkakton infeksione në traktin tretës. Ajo transmetohet kryesisht përmes ushqimeve të kontaminuara si vezët e pagatuara mirë, mishi i papjekur, produktet e qumështit dhe madje edhe perimet që nuk janë larë mirë.

Fëmijët janë veçanërisht të ndjeshëm për shkak të sistemit të tyre imunitar ende në zhvillim.

Simptomat më të zakonshme përfshijnë: temperaturë, të vjella, dhimbje barku dhe diarre që mund të zgjasë disa ditë. Në raste më të rënda, infeksioni mund të përhapet në gjak dhe të bëhet kërcënues për jetën.

Për të mbrojtur fëmijët, këshillohet që ushqimi të gatuhet mirë, të ruhet në temperatura të sigurta dhe higjiena personale të jetë maksimale – sidomos larja e duarve para ngrënies.

Nëse fëmija juaj shfaq simptoma të salmonelës, kontaktoni menjëherë mjekun.

“KORÇA BOOM”