Sapo kishte votuar, nëna e Vuçiçit përballet me incidentin e papritur

Nëna e presidentit serb Aleksandër Vuçiç, Angelina Vuçiç, dyshohet se është sulmuar mëngjesin e sotëm pranë një qendre votimi në qendër të Beogradit, raporton media serbe “Informer”.

Sipas raportimit të kësaj mediaje, disa persona, të cilët i cilëson si pjesëmarrës në bllokada, e kanë fyer Angelina Vuçiçin dhe i kanë marrë me forcë qesen me ushqime që ajo mbante me vete.

Ngjarja dyshohet të ketë ndodhur pak pasi ajo kishte votuar në zgjedhjet e parakohshme parlamentare në Serbi.

Sipas “Informer”, rasti është denoncuar në polici, ndërsa autoritetet po zhvillojnë hetime për të zbardhur plotësisht rrethanat e incidentit.

Deri në këtë fazë, pretendimet për sulmin bazohen në raportimin e medias serbe, ndërsa mbetet për t'u sqaruar zyrtarisht se si ka ndodhur ngjarja dhe kush janë personat e përfshirë.

“KORÇA BOOM”