“Shihemi në gjykatë!”/ Rogerti sfidon Selinën pas debatit për këngën “Selina”

Debati mes ish-banorëve të Big Brother VIP Albania 5 vazhdon edhe jashtë shtëpisë, duke u shoqëruar me deklarata të forta dhe përplasje publike.

Ndër më të komentuarit janë Selin Bollati dhe Rogerti, të cilët duket se nuk kanë gjetur qetësi as pas përfundimit të spektaklit. Marrëdhënia e tyre vijon të jetë e tensionuar, ndërsa rrjetet sociale dhe intervistat po kthehen në “arenën” e re të përplasjes.

Situata u ndez edhe më shumë pas publikimit të një projekti muzikor nga Rogerti në bashkëpunim me Don Phenom, ku në tekst përmendet emri “Selina”. Kjo ka sjellë reagimin e Selinës, e cila u shpreh se ishte këshilluar të ndiqte rrugë ligjore për përdorimin e emrit të saj, edhe pse më pas theksoi se nuk kishte ndërmend të hapte një çështje në gjykatë.

“Ka një Zot lart që sheh,” deklaroi ajo në një intervistë të fundit.

Nga ana tjetër, Rogerti reagoi publikisht për herë të parë në një podcast me moderatoren Ilnisa Agolli, ku u shfaq i qetë, por edhe provokues. Ai sqaroi se emri “Selina” ka një kuptim tjetër dhe nuk lidhet drejtpërdrejt me Selinën, ndërsa nuk kurseu ironinë për mundësinë e një padie.

“Paçi fat, shihemi në gjykatë… duke qeshur dhe duke kërcyer,” u shpreh ai, duke shtuar me humor se edhe gjyqtarin do ta ftonte të kërcente me të.

Përplasja mes tyre tregon se tensionet e krijuara në reality show vazhdojnë të jenë të forta, duke mbajtur publikun të fokusuar edhe pas përfundimit të spektaklit.

"KORÇA BOOM"