Shpërthim i fuqishëm me tritol, dëmtohet një lokal dhe një automjet
- Jul 2
- 1 min read
Një shpërthim i fuqishëm ka tronditur orët e para të mëngjesit të kësaj të enjteje në qytetin e Vlorës.
Ngjarja ka ndodhur rreth orës 04:00, në lagjen “Pavarësia”, ku sipas të dhënave paraprake dyshohet se në derën e një lokali ishte vendosur një sasi lënde plasëse, e dyshuar si tritol.
Si pasojë e shpërthimit janë shkaktuar dëme të konsiderueshme materiale në ambientet e biznesit, ndërsa është dëmtuar edhe një automjet i parkuar pranë lokalit.
Menjëherë pas njoftimit, në vendngjarje kanë mbërritur shërbimet e Policisë së Vlorës dhe grupi hetimor, të cilët kanë nisur këqyrjen e zonës dhe grumbullimin e provave.
Fatmirësisht, nga informacionet paraprake nuk raportohet për persona të lënduar.
Hetimet vijojnë për zbardhjen e plotë të ngjarjes, identifikimin e autorit ose autorëve dhe sqarimin e rrethanave të këtij shpërthimi.
“KORÇA BOOM”
