Shqipëria përfshihet nga moti i keq, reshjet e shiut nuk do të ndalen

Ditën e premte vendi ynë do të ndikohet nga kushte atmosferike të paqëndrueshme. Moti parashikohet me vranësira mesatare deri të dendura.

Sipas Shërbimit Meteorologjik Ushtarak, në orët e para të mëngjesit deri në orët e paradites parashikohen reshje shiu me intensitet mesatar në një pjesë të madhe të territorit, ndërsa në zonën e jugperëndimit reshjet lokalisht do të jenë me intensitet të lartë në formën e shtrëngatave shoqëruar me shkarkesa elektrike.

Më pas reshjet e shiut mbeten të herëpashershme me intensitet të ulët deri mesatar, ndërsa në orët e mbrëmjes në zonën e qendrës reshjet lokalisht do të jenë me intensitet deri të lartë.

Era pritet të fryjë me drejtim kryesor nga kuadrati i lindjes me shpejtësi mesatare 10 m/s, ndërsa në zonat luginore dhe përgjatë vijës bregdetare pritet të kenë shpejtësi, deri në 20 m/s.

Valëzimi në detet Adriatik dhe Jon do të jetë i forcës 3-4 ballë.

“KORÇA BOOM”