Situata e motit në vend/ IGJEUM: E premtja me shi e shtrëngata dhe dëborë

Instituti i Gjeoshkencave (IGJEUM), ka ndarë një parashikim për kushtet e motit të së premtes, teksa që nga kjo e enjte ka nisur një ndryshim i ndjeshëm në temperatura dhe reshje në zona të ndryshme të vendit.

Sipas parashikimit, e premtja do të jetë po ashtu një ditë me reshje shiu dhe shtrëngata në disa qarqe.

Në verilindje parashikohet të rinisin reshjet e dëborës.

Temperaturat do të jenë më të ulëta krahasuar me javën e kaluar.

Era pritet të ketë intensitet mesatar.

Parashikimi i plotë:

Reshjet:

Nesër, e premte, priten reshje mesatare në qarqet Korçë dhe Gjirokastër të shoqëruara me shtrëngata ndërsa në qarqet Shkodër, Kukës, Dibër, Lezhë, Elbasan, Berat dhe Vlorë priten reshje të dobëta deri lokalisht mesatare.

Në Verilindje në lartësitë mbi 1000 m nga niveli i detit reshjet do të jenë në formë dëbore.

Temperaturat:

Nesër, e premte, temperaturat minimale dhe maksimale të ajrit pritet të arrijnë:

Në bregdet: 10 / 15 °C

Në vendet e ulëta: 6 / 15 °C

Në vendet malore: 1 / 8 °C

Era

Nesër, e premte, datë 3 tetor, era pritet të fryjë e lehtë deri mesatare.

“KORÇA BOOM”