Situatë qetësie te liqenorët. Trajneri dhe futbollistët me kontrata të përfunduara

Pogradecarët nuk mundën dot te realizonin objektivin, për të kaluar në kategorinë e parë. Në këto momente nuk ka asnjë zhvillim, gjithçka mendohet të marrë "jetë" në fund të muajit, kjo e konfirmuar nga ekzekutivi i pogradecarëve, Kopi Gusho i cili ka deklaruar për "Korça Boom" se: "Në këto momente mund të them se nuk kemi asnjë zhvillim. Gjithçka për sezonin e ri do të fillojë me zgjedhjen e trajnerit. Ne jemi në bisedime me Samuel Nikajn, por akoma nuk kemi hedhur firmën mbi kontratë. Më pas do të fillojmë me futbollistët. Mendoj se deri në fund të muajit gjithçka do te jetë e qartësuar". Mësohet se kontratat e futbollistëve kanë përfunduar që në muajin maj.