SKËNDERBEU/ Ardjan Takaj mbërrin në Korçë, trajneri Ernest Gjoka sot para mediave

Nesër është dita e startit të javës së tretë të kategorisë së parë, ku në dy ndeshjet e para të kësaj jave që luhen të premten, ajo e mbrëmjes së nesërme është mes Skënderbeut dhe Ilirisë.

Një ndeshje që në fakt vlen 3 pikë për Skënderbeun, teksa të gjithë janë të karikuar për tu rikthyer mnjëherë te fitorja.

Tashmë në juglindje ka mbërritur presidenti Ardjan Takaj për të qëndruar pranë skuadrës ditën e sotme, deri nesër në mbrëmje kur të jetë i pranishëm në tribunën qëndrore të stadiumit “Skënderbeu”.

Sipas burimeve pranë klubit bardhekuq Takaj ditën e sotme pritet të zhvillojë një takim të veçantë me stafin teknik dhe kryesisht me trajnerin Ernest Gjoka për të mësuar edhe gjendjen e lojtarëve, kryesisht atyre që kanë mbërritur së fundi në skuadër. Nga ana tjetër “bosi” pas stërvitjes së sotme që do të jetë edhe e fundit do të zhvillojë edhe një takim me gjithë grupin e futbollistëve.

Nga ana tjetër ditën e sotme, një ditë përpara Ilirisë pritet që trajneri Ernest Gjoka të dalë në konferencën e shtypit për të folur për këtë ndeshje të javës së 3-të dhe për të rrëfyer pak a shumë edhe gjendjen e lojtarëve të tij.

Me pak fjalë në juglindje të vendit janë në përgatitjet e fundit dhe të gjithë janë duke menduar për ndeshjen e nesërme duke e vlerësuar maksimalisht Ilirinë, skuadër që nuk nënvleftësohet aspak nga ardhekuqtë, pasi ashtu si edhe ndeshjet e tjera vlen vetëm 3 pikë.

“KORÇA BOOM”