SKËNDERBEU/ Të shtunë miqësore ndaj Strugës. Zbuloni orën e startit të kësaj miqësoreje …

Erdhi momenti që Skënderbeu të zhvillojë testin e parë zyrtar në miqësore. Bëhet fjalë për të shtunë, pra më 26 korrik ditë kur bardhekuqtë e Ernest Gjokës do të luajnë ndeshjen e parë testuese në shtëpi dhe ndeshjen e parë të kësaj faze përgatitore verore.

Përpara këtij testi Skënderbeu ka zhvilluar dy ndeshje brenda familjes me Skënderbeun U-19, por këtë herë ka planifikuar të zhvillojë test me Strugën skuadrën e vendit fqinj që drejtohet nga ish-kapiteni legjendar i Skënderbeut, Bledi Shkëmbi.

Ndeshja do të luhet pas dy ditësh, pra më 26 korrik dhe do të startojë në orën 19:00 të mbrëmjes. Në fakt ndeshja ishte zyrtarizuar ditë më parë dhe ka qenë portali ynë që zbuloi këtë miqësore, si edhe të tjerat që do të zhvillohen në vazhdim, por tashmë kemi edhe orarin zyrtar të ditës së shtunë që është ora 19:00 dhe në këtë mënyrë pas dy ditësh pritet që edhe numri i sportdashësve të jetë i konsiderueshëm në shkallët e stadiumit, pasi është testi i parë për të parë prezantimin e Skënderbeut të kategorisë së pare dhe të gjithë janë kuriozë për të zbuluar skuadrën e re.

Më postë sjellim tre ndeshjet e zyrtarizuara të Skënderbeut, por do të ketë edhe takime të tjera miqësore deri në startin e sezonit të ri që është thuajse një muaj më vonë, 23 gusht.

Tre ndeshjet miqësore të planifikuara deri tani:

26 korrik       Skënderbeu-Struga           (Ora 19:00)

1 gusht         Skënderbeu-Besa

6 gusht         Pogradeci-Skënderbeu

“KORÇA BOOM”