Skënderbeu dhe Apolonia "spiunojnë" talente të rinj: Mbi 30 futbollistë të huaj në test në Korçë

Sa çudi, aq edhe e vërtetë ajo që ndodhi në aneksin e stadiumit "Skënderbeu" në Korçë. Më shumë se 30 futbollistë të huaj, kryesisht nga vendet e Afrikës, por jo vetëm, zbritën në fushë në një ndeshje testuese të organizuar nga persona që mund të cilësohen si menaxherë të talenteve në kërkim të një kontrate.

Qëllimi ishte i qartë: promovimi i ndonjë lojtari që mund të binte në syrin e klubeve shqiptare, kryesisht Skënderbeut dhe Apolonisë, të cilat kishin përfaqësues të pranishëm në tribunë. Ekipet duket se janë aktive në merkato dhe po eksplorojnë çdo mundësi për përforcime me kosto të ulët.

Megjithatë, edhe pse pritshmëritë ishin të larta dhe lojtarët u paraqitën me shumë pretendime, ajo që u pa në fushë ishte më pak mbresëlënëse se ç’pritej. Sipas burimeve pranë klubeve, asnjë nga futbollistët nuk arriti realisht të binte në sy ose të linte përshtypje të fortë teknike apo fizike.

“KORÇA BOOM”