Skënderbeu mbyll të premten fazën e miqësoreve, Ahmataj kërkon konsolidimin e skuadrës

Skënderbeu do të zhvillojë këtë të premte ndeshjen e fundit miqësore të kësaj faze, teksa në Korçë do të përballet me Gramshin.

Sipas asaj që mësohet nga trajneri Julian Ahmataj, ky test pritet të jetë një tjetër mundësi e rëndësishme për të parë nga afër gjendjen e futbollistëve dhe për të konsoliduar ekipin përpara startit të sezonit.

Miqësoret kanë qenë një pjesë e rëndësishme e përgatitjeve të Skënderbeut, veçanërisht për faktin se skuadra ka pësuar disa ndryshime gjatë merkatos. Në Korçë janë afruar futbollistë të rinj, të cilët kanë nevojë për sa më shumë minuta së bashku për të krijuar harmoninë dhe automatizmat e duhura në fushë.

Pikërisht kjo ka qenë edhe një nga synimet kryesore të trajnerit Ahmataj gjatë kësaj periudhe: të provojë futbollistët, të përcaktojë alternativat në formacion dhe, mbi të gjitha, të ndërtojë një skuadër sa më solide dhe konkurruese.

Ndeshja me Gramshin do t’i shërbejë stafit teknik për të bërë edhe vlerësimet e fundit përpara përfundimit të fazës përgatitore. Për lojtarët e afruar gjatë merkatos, ky është gjithashtu një tjetër test për të fituar minuta dhe për të krijuar më shumë bashkëpunim me pjesën tjetër të ekipit.

Me afrimet e reja dhe punën gjatë javëve të fundit, Skënderbeu synon të nisë sezonin me një grup sa më të konsoliduar dhe me një ide të qartë loje. Testi i së premtes ndaj Gramshit pritet të jetë edhe një nga mundësitë e fundit për trajnerin Ahmataj për të parë se sa larg është skuadra nga formimi që ai kërkon.

“KORÇA BOOM”