LAJMI FUNDIT/ Dyshohet se dhunoi një 4-vjeçar në një kopsht në Korçë, edukatorja arrestohet pas denoncimit të nënës

Një edukatore është vënë në pranga në Korçë, pasi dyshohet se ka ushtruar dhunë ndaj një fëmije 4-vjeçar në ambientet e kopshtit ku ai frekuentonte.

Rasti është denoncuar në polici nga nëna e të miturit, e cila kishte vënë re se djali i saj prej disa ditësh nuk ishte në gjendje të mirë. E shqetësuar për sjelljen e fëmijës, ajo ka mësuar prej tij se ishte goditur nga edukatorja.

Pas denoncimit, policia ka nisur hetimet dhe ka administruar pamjet e kamerave të sigurisë së kopshtit për të verifikuar pretendimet e ngritura.

Në përfundim të veprimeve paraprake, edukatorja është arrestuar nën dyshimin për kryerjen e veprës penale “Keqtrajtimi i të miturve”.

Materialet hetimore i janë kaluar Prokurorisë së Korçës, e cila do të vijojë procedurat për zbardhjen e plotë të rrethanave të ngjarjes./ Top Channel

“KORÇA BOOM”