SKËNDERBEU shkëputje të frikshme në kategorinë e parë/ Ja renditja!

Sot janë luajtur vetëm 3 ndeshjet e para të javës së tetë të kategorisë së parë, ndërkohë që 3 ndeshjet e tjera do të luhet nesër.

Ajo që bie në sy është fitorja e Skënderbeut, nuk është risi kjo fitore e sotme ndaj Besës 1-0, por shkëputja që Skënderbeu ka krijuar nga ndjekësit në vetëm 8-të javë të luajtura.

Më poshtë po sjellim tabelën e renditjes me ndeshjet e deritanishme, ndërkohë që Skënderbeu është në krye me 22 pikë dhe diferenca me vendin e dytë është plot 8 pikë.

Është Iliria pas Skënderbeut me 14 pikë dhe më pas vijnë skuadrat e tjera, ndërkohë që kjo shkëputje është vërtet e frikshme.

Këtë Skënderbeu askush nuk ka mundur ta ndalë në 8-të javë, duke mos njohur asnjë humbje, ndërkohëq ë kanë mbetur edhe vetëm 3 ndeshje për të mbyllur fazën e parë dhe për të thënë fjalën e fundit.

Skënderbeu po “vrapon” drejt superligës për ta kapur një orë e më parë dhe një start i tillë duket se e bën të mbyllur qysh tani kreun e kategorisë së parë, ndërkohë që ekipet e tjera duhet të mendojnë për vendin e dytë dhe poshtë. 

Java 8   

SOT (24.10.2025)

Iliria – Korabi 2-1

Lushnja – Apolonia 0-1

Skënderbeu – Besa 1-0

NESËR (25.10.2025)

Ora 14:00 Pogradeci – Kastrioti

Ora 14:00 Kukësi – AF Luftëtari

Ora 14:00 Laçi – Burreli

“KORÇA BOOM”