SKËNDERBEU si askush në kategorinë e parë/ 6-të javë me ritmin e superligës!

Skënderbeu në përfundim të 6-të javëve të para të kategorisë së parë, ka treguar se është padiskutim skuadra më e mirë e kësaj kategorie dhe kandidatja kryesore për ngjitjen në superligë sezonin e ardhshëm.

Një start ashtu siç e kishte menduar Skënderbeu ka qenë ky i deritanishmi. Skënderbeu është në krye me 16 pikë dhe mungojnë vetëm 2 pikë nga pikët e plota. Padiskutim që kjo ka bërë që qysh në fillim të ketë një diferencë të admirueshme, pasi vendi i dytë është 6 pikë larg.

Skënderbeu në kaq javë ka shënuar plot 11 gola, si askush tjetër, ku listën e golashënuesve e kryeson Saleh Nasr me 4 gola. Vërtet një “makineri” golash për djemtë e Ernest Gjokës.

Bardhekuqtë po ashtu janë skuadra që kanë pësuar më pak, vetëm 1 gol edhe atë në javën e dytë në Lushnjë. Me 5 fitore dhe vetëm 1 barazim, Skënderbeu u ka future “frikën” të gjitha ekipeve të tjera dhe sigurisht që një start i tillë meriton notën 10-të deri në këto momente.

Këtë më mirë se kushdo tjetër e tregon vetë renditja, ndërkohë që Skënderbeu duket se do të “luftojë” i vetëm në këtë kategori të parë, pasi ekipet e tjera duhet të mendojnë për vendin e dytë dhe poshtë, pasi kreu ka “Zot”!   

11 Golat e shënuar të Skënderbeut:

Nasr               4 gola

Çuçka             2 gola            

Tayo               2 gola

Ukiçi               1 gol

Gjini               1 gol

Gjata              1 gol

“KORÇA BOOM”