Skënderbeu sot miqësore ndërkombëtare ndaj grekëve të Panetolikos

Pas katër miqësoreve të para erdhi momenti që Skënderbeu të luajë një test tjetër ndërkombëtar ndaj grekëve të Panetolikos. Pikërisht sot në orën 18:00 bardhekuqtë e Julian Ahmataj do të presin skuadrën greke, ndeshje e cila do të luhet në aneksin e stadiumit “Skënderbeu”.

Në fakt miqësorja ishte planifikuar së pari të luhej në Pogradec, por gjithçka u ndryshua dhe në këtë mënyrë Skënderbeu sot do të presë Panetolikos në Korçë.

Në katër ndeshjet e para miqësore Skënderbeu humbi së pari ndaj maqedonasve të Strugës dhe më pas me Partizanin.

Dy takimet e fundit me ekipet e kategorisë së parë, Besa dhe Kukësi, bardhekuqtë i fituan dhe sot është prova e pestë e miqësoreve, fiks 2 javë përpara startit të sezonit të ri të superligës.

Miqësore

Skënderbeu - Panetolikos

E Shtunë, 8 Gusht | Ora 18:00

Aneksi i stadiumit "Skënderbeu"

Miqësoret e Skënderbeut

Skënderbeu-Struga 0-1

Skënderbeu-Partizani 0-2

Skënderbeu-Besa 2-1

Skënderbeu-Kukësi 2-1

SOT Ora 18:00 Skënderbeu-Panetolikos

“KORÇA BOOM”