SKËNDERBEU start super/ Ja shifrat dhe faktet e 4-ër javëve të para

Skënderbeu ka bërë një start super në katër javët e para dhe janë shifrat dhe faktet që flasin vetë në këto 360 minuta të luajtura deri tani, që jo më kot renditin Skënderbeun në “timonin” e kategorisë së parë dhe më pas vijnë të tjerat.

Skënderbeu në 4 javë ka 10 pikë me tre fitore dhe vetëm 1 barazim. Mesatarisht bardhekuqtë kanë 2.5 pikë për ndeshje, një mesatare vërtet e lartë.

Deri tani jo më kot Skënderbeu ndodhet në majë, pasi ka sulmin dhe mbrojtjen më të mirë. Skënderbeu ka shënuar deri tani 7 gola, kaq ka shënuar edhe Laçi i vendit të dytë.

Skënderbeu ka pësuar vetëm 1 gol në katër javë. Po 1 gol ka pësuar edhe Pogradeci, skuadër që ndodhet në vendin e 5-të dhe të vetmin gol të pësuar e ka nga Skënderbeu.

E rëndësishme është që në 7 golat e shënuar deri tani të gjithë golat vijnë nga sulmi. Janë 3 sulmues që kanë shënuar nga dy gola. Salen Nasr, Tayo dhe Foti Çuçka. Po ti shtosh edhe Ukiçin që luan në sulm, atëherë të 7 golat janë shënuar vetëm nga sulmi, si asnjë skuadër tjetër e superligës.

Më poshtë sjellim edhe tabelën e renditjes me statistika që tregojnë se Skënderbeu ndodhet në krye me meritë.

Gjithsesi kanë kaluar vetëm 4 javë, të presim dhe të shohim në javët në vazhdim, pasi qysh këtë të premte Skënderbeu ka një sprovë të rëndësishme, pasi do të presë Laçin në stadiumin “Skënderbeu”.

7 Golat e shënuar të Skënderbeut:

Nasr               2 gola

Çuçka            2 gola            

Tayo               2 gola

Ukiçi              1 gol

“KORÇA BOOM”