SKËNDERBEU të premten gjen miqësore/ Luan ndaj skuadrës së

Skuadra e Skënderbeut është rikthyer sot në procesin stërvitor, pas disa ditësh pushimi që pasuan ndeshjet e fundit dhe ndërprerjen e kampionatit. Periudha e pauzës u shfrytëzua nga futbollistët për të rikuperuar energjitë, ndërsa tani fokusi është rikthyer te përgatitjet intensive.

Përveç punës në fushë, stafi teknik ka menduar edhe për zhvillimin e ndeshjeve miqësore, në mënyrë që skuadra të mbetet në ritëm loje. Fillimisht ishte planifikuar një sfidë me ekipin U-20 të AC Paris, por për shkak të nivelit të dobët të kundërshtarit, është vendosur që miqësorja të luhet me një ekip më cilësor.

Burime pranë klubit bëjnë të ditur se Skënderbeu do të zhvillojë një ndeshje miqësore ndaj Devollit, një ekip që po bën zhurmë këtë sezon me afrimet e fundit dhe paraqitjet e mira. Takimi do të luhet në stadiumin e Korçës, ditën e premte, në orën 18:00.

Një përballje që pritet të shërbejë si test i vlefshëm për të dyja skuadrat në këtë periudhë përgatitore.

“KORÇA BOOM”