Talentet e juglindjes shkëlqejnë/ U-12 & U-13 mbyllin me sukses sezonin 2024-2025

Përfaqësueset Rajonale të Korçës, ekipet U12 dhe U13, kanë përmbyllur me sukses sezonin futbollistik 2024-25. Këto skuadra përfaqësojnë me krenari rajonin dhe janë një burim i rëndësishëm i talenteve për të ardhmen e futbollit shqiptar.

Në përbërje të ekipeve ka djem shumë të talentuar nga qytete si Pogradeci, Korça dhe Bilishti, të cilët tashmë janë pjesë e ekipeve kombëtare shqiptare në kategoritë përkatëse të moshës. Kjo tregon qartë cilësinë e punës që po bëhet në këto struktura dhe përkushtimin e trajnerëve lokalë.

Përkushtimi, disiplina dhe talenti i këtyre të rinjve janë dëshmi se rajoni juglindor vazhdon të jetë një vatër e rëndësishme për zhvillimin e sportit. Me më shumë vëmendje dhe mbështetje institucionale, ky “produkt” i futbollit vendor mund të shndërrohet në bazament të fortë për sukseset e së ardhmes.

Urime për të gjithë lojtarët dhe stafin teknik! Suksese të mëtejshme në rrugëtimin tuaj sportiv!

“KORÇA BOOM”