Temperaturat deri 40 gradë/ Prefekti Nertil Jole mbledh strukturat e Emergjencave Civile

Prefekti Nertil Jole njofton se:

"Pas njoftimit të marrë nga Agjencia Kombëtare e Mbrojtjes Civile, bazuar në parashikimet e Institutit të Gjeoshkencave ku paralajmërohet se këto ditë në vendin tonë temperaturat do të arrijnë deri në 40 gradë, zhvillova një takimin me Përgjegjësat e Emergjencave Civile dhe drejtuesit e strukturave të shërbimit të Mbrojtjes nga Zjarri dhe Shpëtimit të 6 Njësive të Vetëqeverisjes Vendore të qarkut tonë.

Masat përgatitore, identifikimi, sinjalizimi dhe reagimi në kohë ndaj situatave që mund të krijohen, si dhe aktivizimi i grupeve të vullnetarëve janë shumë të rëndësishme, me qëllim që të lehtësohet ndërhyrja për minimizimin e pasojave që mund të shkaktohen gjatë rënies së zjarreve, nga kapacitetet operacionale vendore, pa qenë nevoja e mobilizimit të burimeve qëndrore.

Të gjitha strukturat, përfshirë edhe ato të Drejtorisë Rajonale të Agjencisë Kombëtare të Zonave të Mbrojtura dhe Policisë së Shtetit, janë në gatishmëri të plotë për të siguruar reagueshmëri të shpejtë për çdo rast të sinjalizuar të rënies së zjarrit.

Raportoni çdo rast zjarri në numrin 128 ose 112!"

“KORÇA BOOM”