TRAGJEDI/ 20-vjeçarja shqiptare humb jetën pas r*nies nga pallati

Një ngjarje tragjike ka ndodhur në Piacenza, ku një vajzë 20-vjeçare me origjinë shqiptare, A. B, humbi jetën pas një rënieje nga lartësia.

Ngjarja ndodhi të martën në oborrin e pallatit ku ajo jetonte në rrugën Beverora, së bashku me bashkëshortin e saj. Për shkak të plagëve të rënda, ajo ndërroi jetë mbrëmjen e së enjtes në repartin e terapisë intensive të spitalit të Piacenzës.

Alarmi u dha nga personi që e gjeti të rejen të shtrirë në oborr, ndërkohë që në vendngjarje ndërhyri menjëherë ambulanca e Kryqit të Kuq.

Karabinierët e njësisë hetimore po hetojnë rrethanat e ngjarjes dhe po përpiqen të rindërtojnë çdo moment të asaj që ndodhi. Hetuesit kanë kryer kontrolle dhe matje brenda banesës dhe në zonën poshtë pallatit, ndërsa janë marrë në pyetje fqinjët dhe partneri i 20-vjeçares.

Sipas hipotezës paraprake të hetimeve, ngjarja mund të ketë qenë një veprim i dëshpëruar, pasi në momentin e rënies vajza dyshohet të ketë qenë e vetme në apartament. Megjithatë, autoritetet po vazhdojnë hetimet për të përcaktuar nëse bëhet fjalë për një akt të qëllimshëm apo për një aksident tragjik.

"KORCA BOOM"