Tronditëse në Korçë, i moshuari i jep fund jetës në pallat pranë terminalit

Një ngjarje e rëndë është shënuar ditën e sotme në qytetin e Korçës, ku një 72-vjeçar është gjetur i pajetë në banesën e tij, në katin e tetë të një pallati, pranë zonës së terminalit të autobusëve.

Sipas të dhënave paraprake, i moshuari dyshohet se i ka dhënë fund jetës, ndërsa trupi i pajetë është gjetur nga bashkëshortja e tij, e cila ka njoftuar menjëherë policinë.

Forcat e policisë kanë mbërritur në vendngjarje dhe kanë nisur veprimet hetimore për sqarimin e plotë të rrethanave dhe shkaqeve që çuan në këtë ngjarje tragjike.

Materialet procedurale i janë referuar autoriteteve përkatëse.

"KORCA BOOM"