Tufë bagëtish përplaset nga automjeti në Maliq, pamje të rënda në vendngjarje

Një ngjarje e pazakontë është regjistruar këtë pasdite në aksin rrugor Zvezdë–Zëmblak, në bashkinë e Maliqit, ku një automjet ka përplasur një tufë bagëtish në lëvizje. Si pasojë e aksidentit, rreth 15 krerë bagëti kanë mbetur të ngordhura në vendin e ngjarjes.

Sipas të dhënave paraprake, përplasja ka qenë e fortë dhe shkaktoi dëme të mëdha materiale, por fatmirësisht nuk raportohet për lëndime në njerëz. Shkaqet e sakta të aksidentit mbeten ende të paqarta.

Në vendngjarje ndodhen forcat e policisë dhe autoritetet përkatëse, të cilat po kryejnë hetimet për të zbardhur rrethanat e ngjarjes dhe për të përcaktuar përgjegjësitë.

Ky aksident ngre sërish shqetësimin për sigurinë rrugore dhe mungesën e kontrollit ndaj bagëtive që lëvizin në rrugët rurale, shpesh pa mbikëqyrje.

“KORÇA BOOM”