top of page

VOLEJ FEMRA/ Skënderbeu fitorja që e ngjiti në 10 pikë. Sot, kryendeshja Pogradeci-Dinamo

  • Writer: Korca Boom
    Korca Boom
  • Oct 11
  • 1 min read

Java e pestë e kampionatit kombëtar në volejboll për femra startoi ditën e djeshme me dy ndeshjet e para, ndërkohë që dy përballjet e fundit luhen sot.


Ditën e djeshme vlen të theksohet fitorja që arriti Skënderbeu në transfërtën e Teutës me rezultatin e pastër 0-3. Në këtë mënyrë, me këtë trepikësh Skënderbeu ngjitet në kuotën e 10 pikëve dhe mban vendin e katërt në tabelën e klasifikimit.


Po në ndeshjen e dytë të ditës së djeshme Partizani fitoi po pastër 3-0 ndaj Korabit dhe me këtë fitore mbetet 3 pikë larg Skënderbeut në vendin e pestë me 7 pikë.


Ditën e sotme e gjithë vëmendja në dy përballjet e fundit është në Pogradec, atje ku vendaset presin Dinamon. Pogradeci mban vendin e dytë me 11 pikë, ndërkohë që Dinamo me 12 pikë renditet në krye dhe sigurisht që kjo përballje është një finale e parakohshme.


Të dy skuadrat kanë si objektiv titullin kampion dhe sigurisht që ndeshje të tilla si kjo e sotmja mund të quhet si një finale e parakohshme.


Ju urojmë suksese vajzave pogradecare, ndërkohë që ky takim starton në orën 17:00


Java V


DJE (10.11.2025)

Teuta-Skënderbeu 0-3

Partizani-Korabi 3-0


SOT (11.11.2025)

ORA 17:00 Pogradeci-Dinamo

ORA 17:00 Tirana-Vllaznia

“KORÇA BOOM”

ree

bottom of page