VOLEJ FEMRA/ Skënderbeu sot për fitore në Durrës. Pogradeci-Dinamo nesër supersfida e javës

Java e 5-të e supelirgës së volejbollit vjen të premten (sot) dhe të shtunën (nesër), dy ditë që pritet të jenë të mbushura me emocione të shumta në të katër duelet.

E veçanta e kësaj jave është se pritet të kemi një duel mes vendit të parë dhe dytë. Dinamo kryesuese me 12 pikë në tabelën e klasifikimit do të udhëtojë për të luajtur në Pogradec, skuadër që ndodhet në vendin e dytë me 11 pikë, pra 1 pikë më pak.

Kjo ndeshje që pritet të dhurojë emocione të shumta do të luhet ditën e nesërme në orën 17:00 në Pogradec.

Skënderbeu nga ana e vet ka një ndeshje më të lehtë në letër, pasi do të luajë sot në Durrës, atje ku e pret Teuta dhe kjo përballje do të startojë në orën 16:00.

Dy ndeshjet e tjera janë ato mes Partizanit dhe Korabit dhe Tirana-Vllaznia.

Më poshtë sjellim kalendarin me oraret dhe ditët e ndeshjeve të javës së 5-të:

Java V

SOT (10.11.2025)

ORA 16:00 Teuta-Skënderbeu

ORA 18:00 Partizani-Korabi

NESËR (11.11.2025)

ORA 17:00 Pogradeci-Dinamo

ORA 17:00 Tirana-Vllaznia

“KORÇA BOOM”