VOLEJ FEMRA/ Sot radha e Skënderbeut që pret Korabin, Partizani-Pogradeci, liqenoret gati ti rikthehen kreut

Java e 7-të e superligës në volejboll për femra ka luajtur dje dy ndeshjet e para dhe sot pritet të luajë edhe dy ndeshjet e mbetura të kësaj jave.

Kryendeshja e kësaj jave, ajo mes Tiranës dhe Dinamos përfundoi me fitoren e dinamoviteve 2-3, që pas kësaj fitoreje kanë marrë edhe kreun e superligës me 18 pikë, ndjekur nga Pogradeci me 16 pikë. Po ashtu dje edhe Vllaznia fitoi me pesë sete 2-3 në Durrës.

Sot është radha e Skënderbeut së pari që në orën 11:00 do të presë Korabin, takim që duket më i lehti i mundshmi dhe fitorja për bardhekuqet nuk diskutohet.

E gjithë vëmendja sot është në kryeqytet, atje ku Partizani pret Pogradecin në një përballje vërtet të fortë që në fakt pritet të fithet nga liqenoret. Në rast se Pogradeci fiton atëherë ka gjasa që të rikthehet sërish në krye të superligës.

JAVA 7

E Premte 24 tetor 2025

Teuta-Vllaznia 2-3

Tirana-Dinamo 2-3

E Shtunë 25 tetor 2025

Ora 11:00 Skënderbeu-Korabi

Ora 18:00 Partizani-Pogradeci

“KORÇA BOOM”