VOLEJ FEMRA/ Tirana “shpartallon” Skënderbeun 3-0. Pogradeci nuk fal Korabin!

Tirana-Skënderbeu 3-0

(25-13, 25-22, 25-19)

Pogradeci-Korabi 3-0

(25-5, 25-9, 25-14)

Janë luajtur sot dy ndeshjet e javës së tretë të kampionatit kombëtar në volejboll për femra. Bie në sy humbja e thellë e Skënderbeut 3-0 në kryeqytet, gjë që tregon se Skënderbeu këtë sezon nuk ëhstë për titullin kampion. Nga ana tjetër Pogradeci ka arritur një fitore më shumë se të lehtë 3-0 ndaj Korabit, të thellë në sete, por edhe në diferenca pikësh.

Përsa i përket ndeshjes së Skënderbeut në kryeqytet ndaj Tiranës, duhet thënë se Skënderbeu përveç setit të dytë, në dy setet e tjera nuk arriti të rivalizonte aspak përballë kryeqytetaseve. Seti i parë i takimit u mbyll me shifrat e thella 25-13, ku Skënderbeu nuk mundi në asnjë moment të reagonte. Në setin e dytë pati disi rivalitet por në fund bardhekuqet nuk shënuan më shumë se 22 pikë. Në setin e tretë sërish një fitore e lehtë 25-19 dhe krejt takimi mbyllet 3-0 për Tiranën. Fitorja e Tiranës zgjati vetëm 73 minuta në pasditen e sotme, pra 1 orë e 13 minuta.

Nga ana tjetër Pogradeci luajti po sot pasdite në shtëpi ndaj Korabit dhe ishte një fitore bindëse 3-0, madje në setin e parë Korabi shënoi vetëm 5 pikë. Seti i dytë 9 pikë dhe seti i tretë vetëm 14 pikë, kanë qenë shifrat e vetme të mikeve, ndërkohë që pogradecaret fitojnë thellësisht dhe bindshëm, duke treguar se është një skuadër pretendente.

Pogradeci dhe Tirana kryesojnë me 8 pikë pas 3 javëve të para, ndërkohë  Sëknderbeu renditet në vendin e pestë me 4 pikë.

“KORÇA BOOM”