VOLEJ MESHKUJ/ Partizani-Skënderbeu finalja e madhe!

PARTIZANI – SKËNDERBEU, FINALJA E MADHE!

Liga “Gjergj Kastrioti” ka tashmë dy finalistët e saj për kategorinë e meshkujve.

Në derbin kryeqytetas, Partizani fitoi 3-0 ndaj Tiranës (34-32, 25-22, 25-16).

Seti i parë ishte mjaft i luftuar, me të dyja skuadrat që alternuan epërsinë deri në pikët e fundit. Tirana arriti të rikuperojë nga disavantazhi 24-21 dhe ta çojë setin në pikë shtesë, por në fund ai u mbyll 34-32. Në setin e dytë loja mbeti e balancuar deri në momentet përfundimtare, me Partizanin që fitoi 25-22. Seti i tretë përfundoi 25-16, duke vulosur rezultatin 3-0 dhe kualifikimin në finale.

Në gjysmëfinalen e dytë, Skënderbeu fitoi 3-2 ndaj Ferizajt pas një ndeshjeje me kthesa të shumta (16-25, 25-18, 14-25, 25-20, 16-14).

Ferizaj mori setin e parë 25-16, ndërsa Skënderbeu barazoi me fitoren 25-18 në setin e dytë. Seti i tretë u mbyll 25-14 për Ferizajn. Në setin e katërt Skënderbeu barazoi rezultatin me 25-20, duke e çuar sfidën në setin vendimtar, i cili përfundoi 16-14.

Finalja e madhe luhet të dielën në orën 16:00.

Partizani-Skënderbeu

Spektakël i garantuar!

“KORÇA BOOM”