Vota e blerë në këmbim të parave: SPAK dërgon dosjen në gjykatë

Prokuroria e Posaçme kundër Korrupsionit dhe Krimit të Organizuar ka përfunduar hetimet dhe ka dërguar për gjykim dosjen ndaj tre të pandehurve, të cilët akuzohen se blenë vota për Partinë Socialiste në zgjedhjet e zhvilluara në Qarkun e Lezhës.

Të pandehurit e dërguar për gjykim janë:

• Gersi Kaçorri, i akuzuar për kryerjen e veprës penale “Korrupsion aktiv në zgjedhje”, kryer në bashkëpunim, sipas nenit 328 dhe 25 të Kodit Penal;

  
  

• Besnik Uka, i akuzuar për kryerjen e veprës penale “Korrupsion pasiv në zgjedhje”, kryer në bashkëpunim, sipas nenit 328/b dhe 25 të Kodit Penal;

  
  

• Artur Jahja, i akuzuar gjithashtu për “Korrupsion pasiv në zgjedhje”, kryer në bashkëpunim, sipas nenit 328/b dhe 25 të Kodit Penal.

  
  

Sipas organit të akuzës, hetimi proaktiv dhe ndjekja me metoda speciale (përgjime telefonike, vëzhgime dhe veprime të tjera hetimore) treguan se të pandehurit ishin të përfshirë në veprimtari të kundërligjshme gjatë zgjedhjeve për Kuvendin e Shqipërisë në Qarkun e Lezhës.

Gjatë fushatës zgjedhore, ata, në bashkëpunim me njëri-tjetrin, premtuan, ofruan dhe dhanë shuma monetare zgjedhësve të Bashkisë Kurbin, në këmbim të votimit në një mënyrë të caktuar, në mbështetje të Partisë Socialiste. Hetimi evidentoi gjithashtu se të pandehurit kanë qenë aktivë në fushatën zgjedhore duke shpërndarë mjete monetare tek zgjedhësit për të ndikuar në votën e tyre.

"KORCA BOOM"